МОЛИТВЫ НЕКОТОРЫМ СВЯТЫМ

Святителю Николаю
1. О всеблагяй отче Николае, пастырю и учителю всех, верою притекающих к твоему заступлению, и теплою молитвою тебе призывающих, скоро потащся, и йзбави Христово стадо от волков губящих е:
и всяку страну христианскую огради:
и сохрани святыми твоими молитвами от мирскаго мятежа, труса, нашествия иноплеменников и междуусобныя брани, от глада, потопа, огня, меча и напрасныя смерти.
и якоже помиловал в темнице седящих, и избавил еси их и посечения мечнаго, тако помилуй и мене, умом, словом и делом во тме грехов суща,
и избави мя гнева Божия и вечныя казни:
яко да твоим ходатайством и помощию, Своим же милосердием и благодатию, Христос Бог тихое
и безгрешное житие даст ми пожити в веце сем,
и избавит мя шуияго стояния, сподобит же деснаго со всеми святыми. Аминь.
2. О всесвятый Николае, угодниче преиздрядный Господень, теплый наш заступниче, и везде в скорбех скорый помощниче!
Помози мне, грешному и унылому, в настоящем сем житии;
умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы;
и во исходе души моея помози ми, окаянному;
умоли Господа Бога, всея твари Содетеля, избавите мя воздушных мытарств и вечнаго мучения:
да всегда прославляю Отца и Сына и Святаго Духа,
и твое милостивное предстательство, ныне и присно и во веки веков. Аминь.

Преп. Сергию Радонежскому
О священная главо, преподобие и богоносне отче наш Сергее,
молитвою твоею, и верою и любовию, яже к Богу, и чистотою сердца, еще на земли во обитель Пресвятые Троицы душу твою устроивый, и ангельскаго общения и Пресвятые Богородицы посещения / сподобивыйся, и дар чудодейственныя благодати премый, по отшествии же твоем от земных наипаче к Богу приближивыйся и небесныя силы приобщивыйся,
но от нас духом любве твоея не отступивый, и честный твои мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыке, моли спаси рабы Его, сущей в тебе благодати Его верующия и к тебе с любовию притекающия.
Испроси нам от великодаровитаго Бога нашего всякий дар, всем и коемуждо благопотребен:
веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим утешение, недугуюпщм исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делех благих преспеяние и благословление, младенцем воспитание, юным наставление, неведующим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение,
и вся ны споспешествующими твоими молитвами спододоби в деньстрашного суда шуия части избавятся, десныя же страны общники быта и блаженный оный глас Владыки Христа услышати:
"Приидите, благословенныя Отца Моего, наследуйте уготованное вам Царствие от сложения мира". Аминь.

Преп. Серафиму Саровскому
О пречудный отче Серафиме, великий Саровский чудотворче,
всем прибегающим к тебе скоропослушный помощниче!
Во дни земнаго жития твоего никтоже от тебе тощ и неутешен отъиде, но всем в сладость бысть видение лика твоего и благоуветливый глас словес твоих.
К сим же и дар исцелений, дар прозрения, дар немощных душ врачевания обилен в тебе явися.
Егда же призва тя Бог от земных трудов к небесному успокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя;
се бо по всем концем земли нашел людем Божиим являешися и даруеши им исцеления.
Темже и мы вопием ти: о претихий и кроткий угодниче Божий, дерзновенный к Нему молитвенниче, николиже призывающая тя отреваяй!
вознеси о нас благомощную твою молитву ко Господу сил,
да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас,
во еже безпреткновенно внити нам в вечное Небесное Царство,
йдеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков Аминъ.

Свв. мчц. Вере, Надежде, Любови и матери их Софии
Вас, святии мученицы, Веро, Надеждо и Любы,
славим, величаем и ублажаем, купно с мудрою материю Софиею, ейже покланяемся,
яко образ богомудраго попечения являющей.
Умоли, святая Веро, Творца видимых и невидимых, да веру крепку, неблазненну и нерушиму подаст нам.
Ходатайствуй, святая Надеждо, пред Господом Иисусом за нас грешных, да упование на благая своя не отженет от нас, и от всякия скорби и нужды избавит ны.
Исповеждь, святая Любы, Духу истины, Утешителю, напасти и печали наша, да Той свыше сладость небесную ниспослет душам нашим.
Помозите убо в бедах наших, святии мученицы, и, купно с мудрою материю вашею Софиею, молите Господа Бога, да сохранит под покровом Своим Церковь Свою Святую.
Такожде и о всех нас вашего теплаго предстательства пред Богом усердно молим, да купно с вами и со всеми святыми превознесем и препрославим пресвятое и великое имя Отца и Сына и Святаго духа, Бога, предвечнаго Владыки и благих Содетеля, ныне и присно и во веки веков. Аминь.

Свв. мученикам и исповедникам Гурыю, Самому и Авиву
О преславнии мученицы Гурие, Самоне и Авиве!
К вам, яко скорым помощником и теплым молитвенником, мы немощнии и недостойшш прибегаем, усердно моляще:
не презрите ны, во многае беззаконие впадшия и по вся дни и часы согрешающия;
наставите на путь правый заблудшия, исцелите страждующия и скорбящия;
соблюдите ны в непорочней и целомудренней житии;
и якоже древле, тако и ньше покровителие супружеств пребудите, в любве и единомыслии сия утверждающе и от всех злых и бедственных обстоявши избавляюще.
Защитите о многомощнии исповедницы вся православные Христианы от напастей, злых человек и козней демонских, оградите я от нечаянныя смерти, умоляюще Всеблагаго Господа, да великия и богатая милости нам, смиренным рабом Своим, пробавит.
Несмы бо достойни нечистыми устами призывати великолепное имя Создателя нашего, аще не вы, святии мученици, за ны ходатай будете, сего ради к вам прибегаем и предстоятельства вашего пред Господом о нас просим.
Такожде избавите нас от глада, потопа, огня, меча, нашествия иноплеменных, междуусобныя брани, смертоносныя язвы и всякаго душетленнаго обстояния.
Ей страстотерпцы Христовы, устройте нам молитвами вашими вся благая и полезная, да благочестно житие временное прешедшие и кончину непостыдну стяжавше, удостоимся теплым заступлением вашим со всеми святыми одесную Правосудного Бога Судии стати и Того непрестанно славши со Отцем и Святым Духом во веки веков. Аминь.

Молитва св. вмч. и целит. Пантелиимону
О великий угодниче Христов, страстотерпче и врачу многомилостивый Пантелеймоне!
Умилосердися надо мною, грешным рабом, услыпш стенание и вопль мой, умилостиви небеснаго, верховнаго Врача душ и телес наших, Христа Бога нашего, да дарует ми исцеление от недуга, мя гнетущаго.
Приими недостойное моление грешнейшаго паче всех человек. Посети мя благодатным посещением.
Не возгнушайся греховных язв моих, покажи их елеем милости твоея и исцели мя;
да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего.
Ей, угодниче Божий! Умоли Христа Бога, да предстательством дарует здравие телу моему и спасение души моей. Аминь.

Молитва святому священномучешку Антипе (от болезни зубныя)
Архиерею Божий священномучениче Христов Антипо преблаженне, и святителем слава, ты еси архиерею церковное светило и утверждение веры пред противными богоборцы дерзновенно Христа исповедал еси, и принеслся еси яко кадило благовонно,
и яко агнец незлобив и мученик праведен в вол медян разжен вержен святителю, и мольбы благодарственныя в нем Богу и Отцу возсылая яко солнце возсиял еси:
и мучением своим томителя Велиара до конца сокрушив:
сего ради Христос тя прослави на земли, всю вселенную осияваеши данною та благодатию, страждущих от неутешныя зубныя болезни цельбы подаеши, непрестанно призывающим тя с верою.
И ньше услыши мя грешнаго и недостойнаго раба твоего (имя), в час сей с верою призывающего тя, темже и молебное пение приносити ходатая и молитвенника к Богу предлагаю по сем рцы сие со умилением:
Архиерею Божий священномучениче Антипо, услыши мя, грешнаго раба твоего (имя) в час сей, в оньже тебе моление приношу, и помолися о мне грешнем ко Господу Богу о отпущении грехов моих и нестерпимыя зубныя болезни избави мя молитвами, святе, твоими, (и 3 земных поклона)
Святый священномучениче Антипо моли Бога о мне грешном.

Святой всеблаженной мати Ксении Петербургской
Тропарь, гл.7
Нищету Христову возлюбивши, / безсмертныя трапезы ныне наслаждаешися, / безумием мнимым безумие мира обличивши, / смирением крестным силу Божию восприяла еси.
/ Сего ради дар чудодейственный помощи стяжавшая, / Ксение блаженная, / моли Христа Бога / избавится нам от всякаго зла покаянием.

Кондак, гл.3
Днесь светло ликует град святаго Петра, / яко множество скорбящих обретают утешение, / на Твоя Молитвы надеющиеся, / Ксение всеблаженная, / Ты бо еси граду сему похвала и утверждение.

Молитва
О Святая, всеблаженная Мати Ксение!
Под кровом Всевышняго жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси, и под сенью Всемогущаго покоишися.
Ныне Святая Церковь, яко благоуханный цвет, прославляет Тя.
Предстоящи на месте Твоего погребения, пред образом Твоим Святым, яко Живой Ти, сущей с нами молимся Ти:
приими прошения наша и принеси я ко Престолу Милосерднаго Отца Небеснаго, яко дерзновение к Нему имущая, испроси притекающим к Тебе вечное спасение, на благая дела и начинания наша щедрое благословение, от всяких бед и скорбей избавление.
Предстани святыми Твоими Молитвами пред Всемилостивым Спасителем нашим о нас, недостойных и грешных.
Помози, Святая Блаженная Мати Ксение, младенцы светом Святаго Крещения озарити и печатью дара Духа Святаго запечатлити, отроки и отроковицы в вере, честности, богобоязненности воспитати и успехи в учении им даровати;
болящие и недугующие исцели, семейным любовь и согласие низпосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час Причащения Святых Христовых Тайн умоли.
Ты наша надежда и упование, скорое услышание и избавление.
Тебе благодарение возсылаем и с Тобою славим Отца и Сына и Святаго Духа, ныне и присно и во веки веков. Аминь.

Преп. Евфросинии Полотской
Тропарь, гл.4
Подражающи дванадесятолетна дванадесятолетну Христу, учившему во святилищи Божию слову, последовала еси, Евфросиние:
славу временную и земнаго обручника оставлыпи, и вся мирская презревши, краснейшему паче всех Христу себе уневестила еси:
крест вземши, путем ангельскаго жития шествуюпш, и многая к Нему наставляющи, во благоухании мира, в Небесный чертог востекла еси:
идеже моли, егоже возлюбила еси, о чтущих благочестно память твою.

Кондак, гл.8
Избранней Богом от самаго рождения и призваннеи на служение Ему, в чине ангельстем Господеви послужившей свято, и преподобно пожившей, и ныне с небесными силами Господа восхваляющей, о нас же, грешных, пред Господем ходатайствующей, с радостию и любовию воззовем:
Радуйся, Евфросиние, невесто Христова всечестная.

Молитва Евфросинии Полотской
О, преподобная и приснопамятная, всехвалоная мати Евфросиние, ангеле во плоти, богоизбранный сосуде Святаго Духа, Церкви Христовы похвале и украшение, монашествующих славо и утверждение, отечеству, обители твоей и всей стране помоще, покрове и защитнице!
Ты еси яко древо, насажденное при исходиших вод, плоды добродетелей твоих и благодатными даровании Святаго Духа украшенная, наставнице делом и словом, избранная, непорочная и добрая:
услыши ны, молящияся тебе и призывающая имя твое: имаши бо дерзновение у Господа.
Испроси нам преспеяние в жизни добродетельней:
огради сердца наша верою, надеждою и любовию и страхом Божиим.
Подай нам помощь в трудех и скорбех наших: якоже попечение имела еси в житии твоем о обители твоей и иночествующих, тако и ныне потщися о нас, благопоспешити нам всем:
и обитель твою огради миром и защити от враг видимых и невидимых, да преуспевает и процветает в добродетелех.
Изми ны от всякия нужды и тесноты, от лютых болезней и от нечаянныя смерти, и приведи ны ко истинному покаянию при исходе из жизни сея:
испроси нам у Господа кончину мирну, безболезнену, непостыдну, Святых Тайн причастну:
и приведи ны чрез мытарства воздупшыя, да не похитят нас истязателие грознии по грехом нашим, но да твоим заступлением и помощию возможем безбедно пройти истязание воздушное, и милость получити, и предстати неосужденно Страшному Престолу, и на Страшней Судищи сподобитися одесную стати Праведнаго Судии, и наследовати праведных часть.
Ей, госпоже, всечестная мати, преподобная Евфросиние, помози нам молитвами твоими:
огради и заступи от всяких козней вражиих, да сподобимся прейти время жизни сея непреткновенно и спасение получити молитвами твоими у Христа Господа, егоже и сподобимся пета и славословити, со Безначальным Огнем и со Святым Духом, во веки веков. Аминь.

Молитва св. мученику Трифону
О, святый мучениче Христов Трифоне, скорый помощниче всем к тебе прибегающим, и молящимся пред святым твоим образом скоропослушный предстателю!
Услыши ныне и на всякий час моления нас, почитающих святую память твою, и предстательствуй о нас пред Господом на всяком месте.
Ты бо, угодниче Христов, святый мучениче и чудотворче Трифоне, в великих чудесех возсиявый, прежде исхода твоего от жития сего тленнаго молился еси за ны ко Господу и испросил еси у Него дар сей: аще кто в коей-либо нужде, беде, печали и болезни душевней или телесней призывати начнет святое имя твое, той избавлен будет от всякаго прилога злаго.
И якоже ты некогда дщерь цареву, во граде Риме от диавола мучиму, исцелил еси, сице и нас от лютых его козней сохрани во вся дни житя нашего, наипаче же в день последняго нашего издыхания предстательствуй о нас.
Буде нам тогда помощник, и скорый прогонитель лукавых духов, и к Царствию Небесному предводитель, идеже ты ныне предстоящи с лики святых у престола Божия.
Моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Аминь.

Молитва св. мученику Иоанну-воину
О, великий Христов мучениче Иоанне, правоверных поборниче, врагов прогонителю и обидимых заступниче!
Услыши нас, в бедах и скорбех молящихся тебе, ядо дана тебе бысть благодать от Бога печальный утешати, немощным помогати, неповинныя от напрасныя смерти избавляти и за всех зле страждущих молитися.
Буди убо и нам поборник крепок на вся видимый и невидимый врага наша, яко да твоею помощию и поборствам по нас посрамятся вси являющий нам злая.
Умоли Господа нашего, да сподобит ны грешныя и недостойныя рабы своя, получите от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь.

Молитва святым новомученикам и исповедникам Российским
Святии новомучешщы и исповедницы Церкви Российский, услышите усердную мольбу нашу!
Вему, яко непии от вас, еще отроцы суще, послушающе о древлих страстотерпдех, в сердце своем помыслиша, колико прелюбезно и доброхвально есть таковым подражати, ихже ни муки, ни смерть не разлучили от любве Божия.
Благо же вам, яко последовали есте вере и терпению тех, о нихже слышасте и ихже возлюбисте.
А понеже на всякое время возможно есть найти на ны испытанием нечаянным, испросите от Господа нам мужества дар, иже только благопотребен есть в житии человечестем.
Вся концы отечества нашего или страданьми своими освятивший, яко общий за вся ны молитвенницы, умолите Бога, избавите отечество наше от ига ужас.тейшаго паче всякаго иного,
и да отпустатся нам и всему роду нашему грех, на народе Российском тяготеющий: убиение Царя Помазанника Божия, святителей же и пастырей с паствою, и страдания исповедников, и осквернение святынь наших.
Да упраздняла расколы в Церкве нашей, да будут вси едино и да изведет Господь на жатву делатели Своя, сиесть да не оскудевает Церков пастырьми добрыми, иже имуть просвещати светом истинныя веры столь великое множество людей, вере наученных, или от веры обратившихся.
Недостоини есмы милости Божия, обаче страданий ради ваших Христос Бог наш да ущедрит и помилует всех нас, в помощь вас призывающих.
Мы же Ему, Спасителю нашему, со Слгпем и со Святым Духом сокрушение о гресех и благодарение за вся всегда да приносим, славяще Его во веки веков. Аминь

Песнь хвалебная св.Амвросия, епископа Медиоланского
Тебе Бога хвалим,
Тебе Господа исповедуем.
Тебе Превечнаго Отца вся земля величает;
Тебе вси Ангели, Тебе небеса и вся Силы,
Тебе Херувимы и Серафимы непрестанными гласы взьтают:
Свят, Свят, Свят, Господь Бог Саваоф, полны суть небеса и земля величества славы Твоея.
Тебе преславный Апостольский лик,
Тебе пророческое хвалебное число
Тебе хвалит пресветлое мученическое воинство.
Тебе по всей вселенней исповедует Святая Церковь, Отца непостижимаго величества, шжлоняемаго Твоего истшшаго и Единороднаго Сына и Святаго Утешителя Духа.
Ты, Царю славы, Христе, Ты Отца Присносупшый Сын еси.
Ты, ко избавлению приемля человека, не возгнушался еси Девическаго чрева.
Ты, одолев смерти жало, отверзл еси веующим Царство Небесное.
Ты одесную Бога седиши во славе Отчей, судия прийти веришися.
Тебе убо просим: помози рабом Твоим, ихже Честною Кровию искупил еси.
Сподоби со святыми Твоими в вечной славе Твоей царствовати.
Спаси люди Твоя, Господи, и благослови достояние Твое, исправи я и вознеси их во веки, во вся дни благословим Тебе и восхвалим имя Твое во век и в век века.
Сподоби, Господи, в день сей без греха сохранитися нам.
Помилуй нас Господи, помилуй нас; буди милость Твоя Господи, на нас якоже уповахом на Тя.
На Тя, Господи, уповахом, да не постыдимся во веки. Аминь.

Молитва Господу Иисусу Христу
Владыко Господи Иисусе Христе, Боже мой, иже неизреченнаго ради Твоего человеколюбия на конец веков во плоть облокийся от Приснодевы Марии.
Славлю о мне Твое спасительное промышление, раб Твой, Владыко;
песнословлю Тя, Его же ради и Дух Святый в мир прииде;
поклоняюся Твоей по плотя Пречистеи Матери, таковей страшней тайне послужившей;
восхваляю Твоя ангельская ликосгашия, яко воспеватели и служители Твоего величествня;
ублажаю Предтечу Иоанна, Тебе крестившаго. Господи! Почитаю и провозвестившая Тя пророки;
прославляю апостолы Твоя Святая;
торжествую же и мученики священники же твоя славлю;
покловяюся преподобным Твоим и вся праведники пестунствую!
Таковаго и толикаго многаго и неизреченнаго лика Божественнаго в молитву правому Тебе, всещедрому Богу, раб Твой,
и сего ради прошу моим согрешениям прошение, еже даруй ми всех Твоих ради Святых, изряднее же Святых Твоих щедрот, яко благославен еси во веки. Аминь.

Песнь хвалебна Пресвятой Богородице
Тя, Матерь Божию, хвалим, Тя, Марию Приснодеву и Богородицу, исповедуем,
Тя, от Превечнаго Отца избранную, вся земля величает;
Тебе вси Ангели и Архавтели, Тебе вси Начала смиренно служат;
Тебе вси Власти и превышния Силы небесныя, и вся Господствия повинуются;
Тебе вси Престоли, Тебе Херувими и Серафими радующеся предстоят,
Тебе вси ангельская лики непрестанным гласом вопиют: Пресвятая Богородице Марие, Мати Приснодево! полны суть небеса и земля величества славы чрева Твоего;
Тебе преславный апостольский лик своего Творца и Спасителя Матерь восхваляют;
Тебе мучеников множество Богородицу величают;
Тебе преславный исповедников лик Святыя Троицы храм нарицают;
Тебе девственниц полны своего девства образ проповедуют;
Тебе вси святых души преславную Царицу небес нарицают;
Тебе по всей вселенней святая Церковь всех верных христиан исповедует Матерь Божию и почитает истиннаго Царя Небеснаго Богоизбранную Отроковицу;
Ты Ангелов Госпоже и всех святых слава;
Ты райская отверстая дверь;
Ты лествице царствия небеснаго;
Ты Царя славы прекрасный чертоже;
Ты неистленныи ковчеже благодати;
Ты бездна щедрот;
Ты прибежище грешных;
Ты благословенная Мати Спасителя Христа;
Ты, ради освобождения плененнаго человека, Бога восприяла еси во чрево от Духа Святаго и Невместимаго вместила еси;
Тобою попран бысть адский враг и отверзошася верным двери царствия небеснаго;
Ты одесную Бога стоиши;
Ты Его умоляеши за нас, Приснодево Марие, Иже будет Судити живых и мертвых;
Тя убо желаем всегда быти нашу Заступницу к возлюбленному Сыну Твоему и Богу, Иже честною кровию нас искупил есть, да восприимем вечныя славы обетование.
Спаси люди Твоя, о, Владычице, и благослови достояние Твое, яко да будем причастницы блаженнаго наследия Сына Твоего, и упаси нас, и возьми нас даже до века, на всяк день.
О, Прещедрая! хвалити и блажити Тя желаем сердцем и устнами.
Сподоби, Премилосердная Мати, ньше и всегда без греха сохранитися нам.
Помилуй нас, Заступнице, помилуй нас, да будет милость Твоя с нами яко уповаем на Тя соблюди нас, Премилосердная, во веки веков.
Тебе подобает хвала, Тебе подобает слава, Тебе подобает пение ныне и присно, и во веки веков. Аминь.

Молитва к Божией Матери Скоропослушнице
Преблагословенная Владычице, Приснодево Богородице,
Бога Слова паче всякаго слова на спасение наше рождшая,
и благодать Его преизобильно паче всех приявшая,
море явлышаяся божественных дарований и чудес приснотекушая река, изливающая благость всем, с верою к Тебе прибегающим!
чудотворному Твоему образу щшпадающе молимся Тебе, всещедрей Матери Человеколюбиваго Владыки:
удиви на нас пребогатая милости Твоя, и прошения наша, приносимая Тебе, Скоропослупшице, ускори исполнит все,
еже на пользу во утешение и спасение кремуждо устрояющи.
Посети, Преблагая, рабы Твоя олагодатию Твоею, подаждь недугующым цельбу и совершенное здравие, обуреваемым тишину, плененным свободу и различными образы страждущих утеши;
избави, всемилостивая Госпоже, всяк град и страну от глада, язвы, труса, потопа, огня, меча и иныя казни временный и вечныя,
Матерним Твоим дерзновением отвращающи гнев Божий;
и душевнаго разслабления, обуревания страстей и грехопадений свободи рабы Твоя,
яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твего и Бога,
Емуже подобает всякая слава, честь и поклонение, со безначальным Его Отцем и Пресвятым Духом, ныне и присно, и во веки веков. Аминь.